Annual Report 2023 Entire Book IRISH - Flipbook - Page 100
scoileanna rannpháirteacha ar fad, chun na haidhmeanna agus deiseanna a chuireann Cuir Fáilte Roimh
Theangacha ar fáil a léiriú do thuismitheoirí agus caomhnóirí.
Bailíodh aiseolas ó bhainistíocht agus múinteoirí na scoileanna trí shuirbhéanna agus le linn cuairteanna
scoile, rud a rinneadh i mbliana eile roimhe. Is éard a bhí i gceist leis na cuairteanna scoile de ghnáth ná
breathnóireacht ranga, comhrá le daltaí, múinteoirí óstacha agus teagascóirí seachtracha, mar aon le hionadaí
ón bhfoireann bhainistíochta. Is féidir na moltaí a tháinig aníos arís is arís eile a chatagóiriú mar seo a leanas:
•
Cur le fad an mhodúil
•
Tá an modúl foirfe mar atá
•
Teastaíonn tuilleadh oiliúna ó mhúinteoirí, a mbeidh uasoiliúint teanga mar chuid di
•
Leathnaigh an modúl go dtí an scoil iomlán
•
Teastaíonn tuilleadh acmhainní ó mhúinteoirí
Rinne bailiúchán na moltaí luachmhara seo eolas do phleanáil agus gníomhartha don todhchaí.
Riachtanais Uasoiliúna a Aithníodh
Sa scoilbhliain 2023/2024, bhí méadú suntasach ar líon na múinteoirí ranga a chláraigh chun an modúl a
sholáthar ina scoileanna. D’ardaigh sé go breis is 170, arb ionann é agus níos mó ná méadú faoi dhó. San
aiseolas a bailíodh ó scoileanna agus múinteoirí a ghlac páirt sa chéad dá bhliain dá chur i bhfeidhm,
aithníodh sainriachtanais don uasoiliúint in inniúlacht teangacha iasachta. Chuir foilsiú Chreatchuraclam na
Bunscoile i mí an Mhárta 2023 leis na hiarratais do dheiseanna uasoiliúna dá leithéid. Tabharfaidh an
Creatchuraclam nua-theangacha iasachta isteach i gcuraclam bunscoile athfhorbartha.
Chun dul i ngleic leis an riachtanas aitheanta seo, iarradh ar TIBÉ píolótú a dhéanamh ar réimse deiseanna
uasoiliúna teanga do mhúinteoirí bunscoile. Ar dtús, d’éascaigh TIBÉ suirbhé i measc múinteoirí cláraithe i
ngach scoil a bhí ag glacadh páirt sa mhodúl, suirbhé ar a leibhéil inniúlachta i dteangacha iasachta. Ag an am
céanna, scaipeadh suirbhé dá leithéid i measc mic léinn atá ag tabhairt faoi Bhaitsiléir san Oideachas nó
Máistir Gairmiúil san Oideachas. Tá fáil ar an dá shuirbhé fós, agus fuarthas díreach faoi bhun 2000 freagra go
dtí seo. Ar an dara dul síos, rinne TIBÉ teagmháil le soláthróirí cúrsaí uasoiliúna teanga agus chuaigh siad i
mbun plé le múinteoirí bunscoile chun a gclárú i gcúrsa dá rogha a éascú. A bhuí le maoiniú a chuir an Roinn
Oideachais ar fáil, feidhmíonn na cúrsaí ar bhonn aisíocaíocht táillí nó, i gcás roinnt roghanna, gan táillí
tosaigh ar bith. D’earcaigh TIBÉ suim múinteoirí ó Mheán Fómhair, agus cuireadh tús le taighde ar na cúrsaí
éagsúla uasoiliúna a bhí ar fáil.
Caidreamh le Páirtithe Leasmhara
Leanadh leis an gcaidreamh le páirtithe leasmhara ábhartha, agus rinne TIBÉ ceardlanna a chur i láthair agus
a óstáil ag imeachtaí éagsúla amhail: Comhdháil ‘Le Chéile’; Comhdhálacha ATI agus FTA; Comhdháil LAI; BEd
UCD i NTI agus Gaeilge; agus an chomhdháil idirnáisiúnta “One School, Many Languages” in Bolzano na
hIodáile. Roinneadh taithí phearsanta scoileanna agus múinteoirí a ghlac páirt in ‘Cuir Fáilte Roimh
Theangacha’ i sraith alt a d’fhoilsigh Cumann Múinteoirí Éireann san iris InTouch. Chuir TIBÉ le meitheal
forbartha CNCM do NTI ag leibhéal bunscoile. D’fhorbair TIBÉ acmhainní chomh maith i gcomhar le CNCM a
foilsíodh taobh leis an dréachtsonraíocht NTI nuair a foilsíodh í i gcomhair comhairliúcháin.
Tionchar:
100
•
Méadú 75% ar líon na scoileanna rannpháirteacha, le hais bhliain 2, go breis is 1,200 scoil
•
Méadú 68% ar líon na ndaltaí go 84,000
•
Méadú 140% ar líon na múinteoirí bunscoile ag soláthar an mhodúil, go breis is 170
•
D’fhreastail 1,500 múinteoir agus príomhoide ar sheisiúin oiliúna agus eolais
- TIBÉ Tuarascáil Bhliantúil 2023 -
