Annual Report 2023 Entire Book IRISH - Flipbook - Page 129
#ThinkLanguages
15,000 scoláire
Gníomh: 3.A.1
3.B.2
180 scoil
11 institiúid ardoideachais
14 phictiúrlann
Léargas Ginearálta:
Is féile bhliantúil teangacha agus cultúir é #ThinkLanguages a reáchtáiltear i scoileanna ar fud na tíre agus a
éascaíonn TIBÉ. Áiríonn an fhéile meascán de cheardlanna idirghníomhacha, cainteanna spreagúla, cúpla
tráth na gceist spraíúil, agus gníomhaíochtaí, agus tacaíonn sí le teachtaireachtaí ardaithe feasachta
Languages Connect maidir leis na buntáistí sóisialta, pearsanta agus gairme a bhaineann le teangacha. Tá
forbairt agus fás tar éis teacht ar an bhféile ó tosaíodh í in 2018. In 2023, rinneadh ceiliúradh seachtaine de
#ThinkLanguages, le comhpháirtithe nua ag cur deiseanna breise ar fáil do scoláirí chun taithí a fháil ar an
taitneamh a bhaineann le foghlaim teanga i suíomhanna nua.
Príomhaidhmeanna:
•
Beocht a chur i dteangacha ar bhealaí spraíúla tarraingteacha ar féidir le scoláirí Idirbhliana teacht leo
•
Feasacht a ardú ar na teangacha éagsúla a labhraíonn scoláirí agus pobal níos leithne na scoile
•
Méadaigh roghnú teanga iasachta amháin nó níos mó ag leibhéal na hArdteistiméireachta
•
Spreag suim agus cur leis an bhfeasacht a bhaineann leis na deiseanna chun
staidéar a dhéanamh ar theanga ag an tríú leibhéal
•
Deis a thabhairt do scoláirí chun seilbh a ghlacadh ar imeacht a eagrú, ceardlann
a éascú ina dteanga, nó gníomhaíocht a eagrú a léiríonn teangacha agus cultúir
•
Ceiliúradh a dhéanamh ar theangacha a úsáidtear sa scoil, sa phobal áitiúil agus
ar domhan
Gníomhaíocht:
Ina séú bliain, rinneadh féile seachtaine de theangacha agus de chultúir de
#ThinkLanguages, ag tabhairt níos mó comhpháirtithe ar bord chun an méid atá ar
fáil do scoláirí agus do scoileanna a leathnú. Bhí Seachtain #ThinkLanguages ar siúl
i scoileanna ar fud na tíre ó Luan 27 Samhain go hAoine 1 Nollaig 2023. Bhí breis agus
180 scoil ar fud na tíre páirteach sa phríomhimeacht, agus bhí breis agus 15,000
scoláire Idirbhliana ag ceiliúradh teangacha agus cultúir ina scoil agus ina gceantar
féin.
Acmhainní agus Tacaíochtaí do Mhúinteoirí
Ba é 2023 an chéad bhliain a d’fhill saol na scoile ar leibhéil ‘normáltachta’ a bhí ann roimh an bpaindéim, tar
éis cúpla bliain de shrianta ó glacadh leis an gcur chuige ionscoile i leith #ThinkLanguages. Sa chomhthéacs
seo, bhí gá ann an Lámhleabhar Pleanála do Mhúinteoirí a uasdátú go hiomlán in 2023. Bunaithe ar aiseolas ó
mhúinteoirí rannpháirteacha, cuireadh tuilleadh béime ar chomórtas na Foirne Seaimpíní in 2023 chun
scoláirí a spreagadh le bheith níos rannpháirtí fós in eagrú na féile #ThinkLanguages ina scoil. Bhí an teispéireas níos idirghníomhaí mar gheall ar thasc-chártaí agus sceideal na féile a thabhairt isteach agus thug
sé tacaíocht bhreise do na múinteoirí a bhí páirteach san eagrú agus sa chur chun cinn.
- TIBÉ Tuarascáil Bhliantúil 2023 -
129
