Annual Report 2023 Entire Book IRISH - Flipbook - Page 154
Coláiste na hOllscoile, Corcaigh
•
Reáchtáil Coláiste na hOllscoile, Corcaigh ceithre cheardlann ar campas do scoláirí Idirbhliana i mí Aibreáin
agus mí Bealtaine. Ghlac sé scoil páirt sna ceardlanna. Ba é an téama ná ‘Spáinnis a Mhapáil timpeall na
Cruinne’.
An Coláiste Ollscoile, Baile Átha Cliath (UCD)
•
Reáchtáil UCD clár for-rochtana do scoláirí ó roinnt iar-bhunscoileanna ó mhí Feabhra go Bealtaine.
•
Ag Féile UCD i mí an Mheithimh chuir lucht na bhféilte focal speisialta leo óna dtaithí UCD leis an
UCDictionary.
•
Rinneadh físeán i mí Feabhra chun Lá Idirnáisiúnta na Máthairtheangacha a cheiliúradh.
•
Bhí seimineár ar siúl i mí na Samhna a chlúdaigh Tionscal Spáis na Seapáine dírithe ar mhic léinn fochéime
UCD, áit ar leagadh béim ar na roghanna chun staidéar a dhéanamh ar an tSeapáinis mar chuid dá
gcéimeanna.
Ollscoil na Gaillimhe
•
Chuir Ollscoil na Gaillimhe ceardlann Fraincise ar fáil do Choláiste Ghearrbhaile, Béal Átha na Slua i mí
Bealtaine
Ollscoil Luimnigh (UL)
•
D'óstáil Ollscoil Luimnigh imeacht Staidéir agus Gairmeacha le Teangacha i mí Eanáir, dírithe ar scoláirí sa
séú bliain agus a dtuismitheoirí, a dhírigh ar an luach a bhaineann le staidéar a dhéanamh ar theangacha
iasachta ag an tríú leibhéal, mar chuid de chúrsa teanga nó mar chúrsa roghnach.
•
Chuir UL feachtas meán sóisialta ar siúl chun tionscnamh an Chláir For-Rochtana Teanga a chur chun cinn,
chun foghlaimeoirí nua teanga a mhealladh, lena n-áirítear scoláirí, agus phostáil siad eolas faoi na cúrsaí
ar an gcampas a dhírigh ar scoláirí. Mhair an feachtas ó Mheán Fómhair 2022 go dtí Aibreán 2023.
•
Bhí UL mar chuid d’Fhéile Foghlama ar feadh an tSaoil Luimnigh. Chuir Scoil na Nuatheangacha Iasachta
agus na Teangeolaíochta Feidhmí (MLAL) sraith de bhlasranganna teanga ar fáil i sé theanga chun
foghlaim teangacha a chur chun cinn i measc spriocghrúpa nua.
•
I mí Feabhra, bhí baint ag UL le ‘Aistriúchán mar Ghairm’, ceardlann ar líne do scoláirí iar-bhunscoile.
D’eagraigh an Coimisiún Eorpach, Ollscoil Luimnigh agus Ollscoil Chathair Bhaile Átha Cliath i
gcomhpháirt é.
154
- TIBÉ Tuarascáil Bhliantúil 2023 -
