Annual Report 2023 Entire Book IRISH - Flipbook - Page 69
Chuir CMETB gléasanna, nascacht, Microsoft 365, agus tacaíocht Microsoft Teams ar fáil chun rannpháirtíocht
na scoláirí sna ranganna ar líne a éascú. Is é Microsoft Teams an príomhardán a úsáidtear chun ceachtanna
féintreoraithe agus beo a sholáthar. Den chuid is mó, d’éirigh go maith le húsáid Teams agus féachann ríomhmhúinteoirí agus scoláirí air mar ardán iontaofa.
D'fhorbair H2 Learning agus Oifigigh Oideachais TIBÉ FGL do mhúinteoirí Polainnise na foghlama cumaisc. Bhí
an FGL tábhachtach chun na scileanna riachtanacha agus an mhuinín a thabhairt do na ríomh-mhúinteoirí
chun ceachtanna a bhainistiú agus a chur ar fáil go héifeachtach san fhormáid nua seo. Chuir seisiúin rialta FGL
ar chumas na ríomh-mhúinteoirí a gcuid modhanna teagaisc a bheachtú agus dul i ngleic go héifeachtach le
scoláirí. Chinntigh sé seo go bhfuil na ríomh-mhúinteoirí dea-ullmhaithe chun ceachtanna a bhainistiú agus a
sholáthar san fhormáid chumaisc ag baint úsáid as straitéisí éagsúla cuimsitheacha teagaisc a oireann do
stíleanna agus riachtanais foghlama éagsúla.
Oibríonn an cur chuige foghlama cumaisc go maith ó thaobh dhearcadh na scoláirí de. Mothaíonn siad thar a
bheith compordach leis an meascán de ranganna ar líne, ranganna ar an láthair agus gníomhaíochtaí
féinfhoghlama.
Mar chuid den chur chuige cumaisc,
eagraíodh turas do na scoláirí go dtí
Ionad Oiliúna agus Oideachais
Allamuigh Tanagh. Dearadh an lá
chun eispéiris foghlama
thumthacha a chur ar fáil a
chuirfeadh lena n-aistear foghlama
teanga. Moladh obair foirne agus
comhoibriú i measc na scoláirí agus
thug sé deis dóibh caidreamh a
dhéanamh lena bpiaraí. D’éascaigh
sé seo cumarsáid oscailte agus
atmaisféar foghlama níos
compordaí le linn gnáthranganna.
Mhothaigh na ríomh-mhúinteoirí agus na ríomh-mheantóirí scoilbhunaithe go raibh ról tábhachtach ag an lá
chun an nasc idir iad agus a gcuid scoláirí a neartú.
Tionchar:
•
Fuair 47 scoláire rochtain ar chúrsa foghlama cumaisc do Pholainnis na hArdteistiméireachta.
•
Éascaíodh rochtain na scoláirí ar an ábhar a bhuí le modhanna soláthair ar líne, amhail seisiúin taifeadta
agus ábhar eile a chur ar fáil ar líne
•
Fuair TIBÉ saineolas agus taithí ar mhodheolaíochtaí foghlama cumaisc a bheidh mar bhonn eolais
d’fhorbairt cúrsaí foghlama cumaisc do theangacha eile amach anseo.
•
Athrú ar an dearcadh ar oideachas digiteach mar chuid lárnach den oideachas agus den oiliúint.
•
Léirigh na scoláirí leibhéil arda rannpháirtíochta agus díograise, bhain siad sult as an eispéireas foghlama,
agus léirigh siad tiomantas dá staidéar ar a dteanga bhaile.
•
Thug an tionscadal seo braistint do scoláirí go dtugtar dearbhú dá gcultúir agus go gcuimsítear iad
laistigh de phobal na scoile, ag aithint luach a dteanga agus a gcultúir.
- TIBÉ Tuarascáil Bhliantúil 2023 -
69
