Annual Report 2023 Entire Book IRISH - Flipbook - Page 82
Seapáinis
2,436 Scoláire
Gníomh 2.A.6
2.C.1
2.B.3
17 Múinteoir
26 Scoil.
3 Rang ar an Satharn
Léargas Ginearálta:
Cuireann TIBÉ ranganna Seapáinise ar fáil in iar-bhunscoileanna agus cuireann sé ranganna Seapáinise na
hArdteistiméireachta ar fáil i mBaile Átha Cliath, i gCorcaigh agus ar líne. Fostaíonn TIBÉ 17 mhúinteoir
Sheapánacha agus tacaíonn sé le múineadh na Seapáinise in 5 scoil bhreise tríd an scéim leithdháilte breise. I
measc na ranganna tá gearrchúrsaí na Sraithe Sóisearaí, modúil teanga na hIdirbhliana agus cúrsaí
Ardteistiméireachta.
Príomhaidhmeanna:
•
Éagsúlú a dhéanamh ar sholáthar teangacha sa churaclam scoile
•
Deis a chur ar fáil do scoláirí rochtain a fháil ar theanga nach múintear chomh minic céanna nach bhfuil ar fáil
i bhformhór na scoileanna
•
Deis a chur ar fáil do scoláirí rochtain a fháil ar ábhar teanga Ardteistiméireachta nach bhfuil ar fáil ina scoil trí
ranganna Ardteistiméireachta ar an Satharn a sholáthar i mBaile Átha Cliath, i gCorcaigh agus ar líne
•
Cur le líon na ndaoine a dhéanann Seapáinis na hArdteistiméireachta
•
Deiseanna a chruthú chun caidreamh a dhéanamh le hInstitiúidí Ardoideachais a chuireann Seapáinis ar fáil
Gníomhaíocht:
Oibríonn TIBÉ le scoileanna chun ranganna Seapáinise a thabhairt isteach agus a leathnú, agus cuireadh
ranganna ar fáil in 26 iar-bhunscoil in 2023. Cuireann Comhairleoir Seapáinise de chuid TIBÉ FGL agus tacaíocht
ar fáil do mhúinteoirí agus Cúntóirí Teangacha Iasachta na Seapáinise. Bhí roinnt múinteoirí Seapáinise de
chuid TIBÉ in ann a scoláirí a thabhairt ar thurais chun na Seapáine, a chuir go mór le heispéireas na scoláirí.
Rinne roinnt múinteoirí TIBÉ gnáthranganna a mheascadh le gníomhaíochtaí spraíúla Seapánacha amhail
eispéireas bia Seapánach, féachaint ar scannáin Sheapánacha, comórtais chun boscaí lóin ar stíl Sheapánach a
dhéanamh nó origami, agus bíonn an-tóir ar na gníomhaíochtaí seo i measc na scoláirí.
In 2023, tháinig trí scoil nua isteach sa chlár i mBaile Átha Cliath agus i Ros Comáin. Ghlac 22 scoláire nua páirt i
ranganna Seapáinise ar líne ar an Satharn de chuid TIBÉ.
In 2023, chomhoibrigh TIBÉ le Experience Japan Taiko agus Lárionad UCD do Léann na Seapáinise chun turas
ceardlann ar dhruma Seapánach (wadaiko) a eagrú a thug cuairt ar sheacht scoil i mBaile Átha Cliath, i
gCorcaigh, in Inis, agus i Loch Garman. I mí Lúnasa, d’óstáil Lárionad UCD do Léann na Seapáinise campa
samhraidh Nihongo (Seapáinis) do scoláirí na Sraithe Sinsearaí ar thacaigh TIBÉ leis.
Níos déanaí ná sin, tacaítear leis an tSeapáinis in 13 bhunscoil atá ag glacadh páirt sa mhodúl ‘Cuir Fáilte Roimh
Theangacha’ in 2023/24. Anuas air sin, tá uasoiliúint agus ceardlann á gcur ar fáil do 12 mhúinteoir ranga.
Tá na múinteoirí ranga seo ag tabhairt faoi chlár píolótach uasoiliúna atá á éasca ag Comhairleoir Seapáinise
de chuid TIBÉ. Leis an tionscnamh seo, tá TIBÉ ag cur ar chumas múinteoirí na scileanna atá acu cheana féin a
fheabhsú, rud a ligeann dóibh an t-eispéireas foghlama is fearr agus is féidir a sholáthar dá gcuid daltaí.
82
- TIBÉ Tuarascáil Bhliantúil 2023 -
