Annual Report 2024 IRISH - Flipbook - Page 132
Áiseanna Gairmthreorach agus Comhoibriú Páirtithe Leasmhara
24k+ Cuardach ar saoloibre.ie
Gníomh: 3.B.1
3.B.2
2 Comhlach Nua Treorach
Léargas ginearálta:
Cuireann TIBÉ acmhainní agus tacaíochtaí ábhartha ar fáil do chomhairleoirí gairmthreorach chun cabhrú leo
eolas a chur ar a gcuid scoláirí maidir le rogha ábhair agus ábhair NTI, chomh maith le tacú leo sa chomhrá
maidir le nuatheanga iasachta a roghnú agus iad ag teacht isteach sa scoil, agus ag pointí aistrithe (an
Idirbhliain, mar shampla), laistigh dá scoileanna.
Príomhaidhmeanna:
•
Cuidigh le comhairleoirí gairmthreorach an t-eolas cuí a thabhairt do scoláirí agus do thuismitheoirí faoi
roghanna ábhar teanga agus faoi mhodhanna soláthair
•
Comhairleoirí gairmthreorach a chur ar an eolas faoin tábhacht a bhaineann le foghlaim teangacha chun
úsáid níos leithne teangacha iasachta a spreagadh.
•
Oibrigh le páirtithe leasmhara cuí chun eolas agus tacaíochtaí do chomhairleoirí gairmthreorach a
scaipeadh agus ina dhiaidh sin iad a scaipeadh ar scoláirí, tuismitheoirí agus pobal níos leithne scoile.
Gníomhaíocht:
Lean TIBÉ den tsraith acmhainní treorach de chuid Languages Connect a chur chun cinn agus a scaipeadh thar
ardáin dhigiteacha éagsúla, trí chomhoibriú le páirtithe leasmhara agus i scoileanna ar fud na tíre i gcaitheamh
2024.
I Márta 2024, d’fhreastail TIBÉ ar chomhdháil bhliantúil Institiúid na dTreoirchomhairleoirí (ITC) in Ollscoil
Teicneolaíochta na Mumhan Ciarraí, chun eolas cuí a thabhairt agus chun áiseanna atá ar fáil a scaipeadh ar na
350 treoirchomhairleoir a bhí i láthair. Ba dheis an-luachmhar é an t-imeacht seo chun teagmháil a dhéanamh
le treoirchomhairleoirí i réimsí a bhaineann lena gcuid oibre.
Ba dheis é freastal ar chomhdháil bhliantúil IGC áis nua a chur chun
cinn agus a scaipeadh. Ba é ‘Staidéar ar Theangacha Iasachta don
Ardteistiméireacht agus ina diaidh’ an teideal, agus tháinig sé chun
cinn as plé le treoirchomhairleoirí gairmiúla a raibh áis á lorg acu
chun príomhghnéithe den soláthar teanga ag leibhéal na
hArdteistiméireachta a aibhsiú, difríochtaí idir teangacha curaclaim
agus neamhchuraclaim agus tacaí atá ar fáil san áireamh.
Ag teacht as athbhreithniú ar áiseanna reatha, forbraíodh pacáiste
sleamhnán cur i láthair don ghairmthreoir freisin. Tá sé i gceist go
gcuirfear an áis seo i gcuir i láthair a phléann teangacha
Ardteistiméireachta in imeachtaí scoile do scoláirí atá ag dul
isteach sa tSraith Shinsearach. Ba chóir go dtacódh na háiseanna
seo le treoirchomhairleoirí, agus lena gcomhghleacaithe NTI, chun
tógáil ar chur chuige scoile uile don treoir.
132
- TUARASCÁIL BHLIANTÚIL 2024 -
