Annual Report 2025 IRISH - Flipbook - Page 16
Scéim Cúntóirí Béarla
Gníomhartha: 1.C.4
1.D.9
81 Rannpháirtí Cláraithe do Sheisiún Tacaíochta 2025
Léargas ginearálta:
Oibríonn TIBÉ chun infheictheacht na Scéime Cúntóirí Béarla (SCB) a mhéadú mar bhealach chun feasacht
teanga agus idirchultúrtha a fhorbairt sa tsochaí, agus ag an am céanna tacú le cumas teagaisc féideartha sa
todhchaí. In 2025, lean TIBÉ ar aghaidh ag cur na scéime chun cinn agus ag cur tacaíochtaí ar fáil do Chúntóirí
Béarla amach.
Príomhaidhmeanna:
•
Iarratasóirí ionchasacha a chur ar an eolas faoi na buntáistí pearsanta agus gairmiúla a bhaineann le páirt
a ghlacadh sa Scéim.
•
Tacú le spéis mhéadaithe sa scéim tríd an infheictheacht agus tionscnaimh spriocdhírithe.
Gníomhaíocht:
In 2025, agus iarratais ar SCB 2025-2026 oscailte go dtí mí an Mhárta, rinne feachtas múscailte feasachta
leathan leas d’iarratasóirí ionchasacha. Áiríodh leis an bhfeachtas dhá fhíseán nuafhorbartha, póstaer
bolscaireachta ar taispeáint ar champais na n-ollscoileanna, feachtas ar na meáin shóisialta agus seisiún
tacaíochta ar líne a tionóladh i mí Eanáir 2025.
Fuair an Roinn Oideachais agus Óige 155 iarratas san iomlán ó dhaoine atá ag lorg socrúcháin san Ostair, sa
Bheilg, sa Fhrainc, sa Ghearmáin, san Iodáil agus sa Spáinn. B'ionann sin agus méadú thart ar 10% ar líon na niarratas i gcomparáid le 2024.
Tionchar:
•
Mhéadaigh an seisiún tacaíochta a chuir TIBÉ ar fáil infheictheacht SCB i measc iarratasóirí ionchasacha.
•
Tháinig méadú thart ar 10% ar líon na n-iarratas ar Scéim 2025-2026 i gcomparáid leis an mbliain roimhe
sin, i gcomhthráth leis an gclár comhordaithe gníomhaíochtaí múscailte feasachta.
•
Léiríodh le haiseolas dearfach gur chuir an seisiún lucht freastail ar an eolas agus spreagadh iad chun
smaoineamh ar iarratas a dhéanamh.
Na chéad chéimeanna eile:
•
Seisiún tacaíochta bliantúil a chur ar fáil ar líne chun spéis agus iarratais a spreagadh.
•
Leanúint ar aghaidh leis an monatóireacht ar líon na ndaoine sa scéim agus le forbairt straitéisí chun
infheictheacht SCB a mhéadú.
•
16
Feachtas bliantúil ar na meáin shóisialta chun cur le feasacht ar an scéim tuilleadh.
- Tuarascáil Bhliantúil 2025 -
