Annual Report 2025 IRISH - Flipbook - Page 62
Soláthar Teangacha
Samhail Soláthair Nuálach – Tionscadal Foghlama Cumaisc na hArdteistiméireachta
Is tionscadal comhoibríoch é Tionscadal Foghlama Cumaisc na Polainnise don Ardteistiméireacht idir
Teangacha Iar-bhunscoile Éireann (TIBÉ), Bord Oideachais agus Oiliúna an Chabháin agus Mhuineacháin
(BOOCM), agus H2 Learning. In éineacht leis na comhpháirtithe seo, chuir TIBÉ cúrsa iomlán Pholainnis na
hArdteistiméireachta ar fáil i sé scoil BOOCM trí shamhail foghlama cumaisc. Dearadh an cúrsa le go múinfí é
thar 180 uair an chloig, thar dhá bhliain acadúla. Tugtar le chéile leis ranganna ar líne, ranganna féinstiúrtha
agus ranganna ar an láthair i scoileanna rannpháirteacha.
Ag tógáil ar an rath a bhí an gcéad cheithre bliana den tionscadal, cuireadh cúrsa iomlán Pholainnis na
Sraithe Sinsearaí ar fáil ó mhí Mheán Fómhair 2025 i sé scoil BOOCM. Tá beirt mhúinteoirí agus 57 scoláire
páirteach sa tionscadal faoi láthair.
Tá na scoileanna BOOCM seo a leanas i ndiaidh a bheith páirteach sa bhliain acadúil dár tús mí Mheán
Fómhair 2025:
•
Coláiste Dún an Rí, Dún an Rí, Co. an Chabháin
•
Coláiste Naomh Maodhóg, an Bábhún Buí, Co. an Chabháin
•
Coláiste Bhréifne, Co. an Chabháin
•
Coláiste Ard Feá, Co. Mhuineacháin
•
Coláiste Inbhir, Carraig Mhachaire Rois, Co. Mhuineacháin
•
Coláiste Naomh Bricín, Béal Tairbirt, Co. an Chabháin
Tá BOOCM i ndiaidh gléasanna, nascacht, Microsoft 365 agus tacaíocht Teams a chur ar fáil chun
rannpháirtíocht na scoláirí i ranganna ar líne a éascú. Soláthraíonn TIBÉ agus H2 Learning forbairt ghairmiúil
leanúnach (FGL) do mhúinteoirí foghlama cumaisc Polainnise. Tá FGL leanúnach tábhachtach chun na
scileanna agus an mhuinín riachtanach a thabhairt do na ríomh-mhúinteoirí chun ceachtanna a bhainistiú
agus a sholáthar go héifeachtach san fhormáid nua seo agus úsáid á baint as straitéisí teagaisc cuimsitheacha
éagsúla a oireann do stíleanna agus do riachtanais éagsúla foghlama.
Ó thaobh na scoláirí de, oibríonn cur chuige na foghlama cumaisc go maith. Mothaíonn siad compordach leis
an meascán de ranganna ar líne, ranganna ar an láthair, agus gníomhaíochtaí foghlama féinstiúrtha. Mar
chuid den chur chuige cumaisc, eagraíodh turas lae do na scoláirí ag Ionad Oideachais Allamuigh agus
Oiliúna Tanagh.
Dearadh an lá chun eispéireas tumfhoghlama a chur ar fáil a spreag obair foirne agus comhoibriú a chuir le
haistear foghlama teanga na scoláirí Bhraith na ríomh-mhúinteoirí agus na ríomh-mheantóirí scoilbhunaithe
freisin go raibh ról tábhachtach ag an lá maidir leis an nasc idir iad féin agus a gcuid scoláirí a neartú.
62
- Tuarascáil Bhliantúil 2025 -
