Annual Report 2025 IRISH - Flipbook - Page 74
Bunoideachas – An Modúl ‘Cuir Fáilte Roimh Theangacha’
60,000 Dalta
1,344 Scoil.
11 Teanga
Say
Gníomhartha:
2.E.1
2.E.3
Yes to Languages
Léargas ginearálta:
Lean an modúl Cuir Fáilte Roimh Theangacha ar aghaidh go dtí a chúigiú bliain in 2025, lena gcuirtear ar fáil
buneolas struchtúrtha do dhaltaí agus do mhúinteoirí bunscoile ar theangacha agus ar chultúir bhreise in
éineacht leis an mBéarla agus an Ghaeilge. Anois i gCéim a Dó, tá an fócas ar scoileanna agus múinteoirí a
ullmhú chun nuatheangacha iasachta a thabhairt isteach i gCuraclam Teanga na Bunscoile.
Cuirtear an modúl ar fáil, a mhaireann deich n-uair an chloig, le linn uaireanta scoile do rang a cúig agus rang
a sé. Is é an múinteoir ranga nó teagascóir cuartaíochta a oibríonn i gcomhar le foireann na scoile a chuireann
an modúl ar fáil. Roghnaíonn scoileanna teanga bunaithe ar acmhainn teagaisc teangacha iasachta, ar
chomhthéacs na scoile, agus ar dhéimeagrafaic na ndaltaí. Cuirtear Cuir Fáilte Roimh Theangacha ar fáil thar
dhá théarma acadúla.
Príomhaidhmeanna:
•
Feasacht a ardú ar an tábhacht a bhaineann le hoideachas nuatheangacha iasachta chun tras-scileanna a
chothú.
•
Scoileanna a ullmhú do chur i bhfeidhm Churaclam Teanga athfhorbartha na Bunscoile.
•
Roghnú teangacha a spreagadh ag an dara leibhéal.
•
acú le cur i bhfeidhm Déanann Teangacha Nasc, Straitéis Do Theangacha Iasachta san Oideachas in Éirinn
2017-2026
•
Litearthacht a fheabhsú, i mBéarla agus sa Ghaeilge araon.
Gníomhaíocht:
Chláraigh 1,344 bunscoil i mbliana, 20% acu ag glacadh páirt den chéad uair. Roghnaigh scoileanna teanga
bunaithe ar chumas teagaisc, ar chomhthéacs na scoile, agus ar dhéimeagrafaic na ndaltaí. Bhainistigh TIBÉ
íocaíochtaí deontais, dáileadh acmhainní, oiliúint teagascóirí, gníomhaíocht chur chun cinn agus oosrúcháin
laethúla, chomh maith le bailiú aiseolais a éascú trí shuirbhéanna agus cuairteanna scoile. Chomh maith leis
sin, chuir TIBÉ seisiúin oiliúna ar fáil do theagascóirí nua agus a bhfuil taithí acu, do mhúinteoirí ranga, do
cheannairí scoile agus do theagascóirí Teanga Chomharthaíochta na hÉireann (TCÉ). D'fhreastail os cionn
1,025 duine ar aon cheardlann déag ar líne. Dearadh agus soláthraíodh seisiúin teagascóirí TCÉ i gcomhar leis
an Ionad um Staidéar Bodhar i gColáiste na Tríonóide, Baile Átha Cliath.
Bhí éagsúlacht mhór sna teangacha a roghnaigh na scoileanna. Ba iad an Fhraincis agus an Spáinnis ba mhó a
roghnaíodh, agus ina dhiaidh sin bhí an Ghearmáinis, an Iodáilis, TCÉ, an tSeapáinis, an Mhandairínis, an
Phortaingéilis, an Pholainnis, an Rómáinis agus an Úcráinis. Roghnaigh roinnt scoileanna níos mó ná teanga
amháin.
74
- Tuarascáil Bhliantúil 2025 -
