Leabhair Pictiúr Neamhfhicsin - Flipbook - Page 14
Leabhair Pictiúr Neamhnicisin Liosta coimeádta agus smaointe chun tacú le foghlaim agus le teagasc nuatheangacha iasachta sa seomra ranga bunscoile
LEABHAIR I SPÁINNIS
Bajo tierra. El mundo subterráneo que nos da la vida
ISBN: 9789566049654
Nélida Pohl; ca_teter (maisitheoir)
Escrito con Tiza Ediciones
Hé, cé atá ansin?
Tá na milliúin, milliúin orgánach ina gcónaí in ithreacha, i bhforaoisí, i ngaineamhlaigh, i bhféaraigh
agus oú i gcathracha an domhain, agus ní féidir an chuid is mó acu a fheiceáil le do shúile cinn...
Cad is ithir ann? Cé atá ina gcónaí inti? Cad iad na feidhmeanna atá aici atá riachtanach don
phláinéad? Cad iad na gníomhaíochtaí daonna a chuireann i mbaol í? Conas is féidir linn aire a
thabhairt di? Leabhar siamsúil, eolasach le duine de na cumarsáidithe eolaíochta is iomráití sa tSile,
atá tiomanta don bhrat a chlúdaíonn pláinéad an Domhain. Foilseachán spreagúil oideachasúil ar
thréithe na hithreach agus na créatúir atá beo inti, maisithe ag duine de mhórmhaisitheoirí
Mheiriceá Laidinigh.
El gran libro de nuestros mares
ISBN: 978-84-8289-668-7
Blanca Millán; María Fernández Míguez (maisitheoir); Marisol Mascato (aistritheoir)
Ar fáil i nGailísis, i bPortaingéilis agus i gCatalóinis freisin
Edicións do Cumio
An bhfuil a fhios agat go bhfuil breis agus 70% de dhromchla an Domhain clúdaithe le sáile?
Léiríonn an fhíric seo tábhacht na bhfarraigí agus na n-aigéan inár saol, agus i saol na mílte
speiceas ainmhí agus plandaí a bhfuil cónaí orthu sa ghnáthóg ollmhór seo. Ar leathanaigh an
leabhair seo, gheobhaidh tú go leor fíricí suimiúla, smaointe inspioráideacha agus gníomhaíochtaí
spraíúla a chuideoidh leat maorgacht na farraige a iniúchadh. Is cuma más lá trá atá ann duit, nó
má tá tú ag iniúchadh an chuain nó má tá páirt á glacadh agat i spórt uisce, tá cuireadh sa leabhar
seo duit tumadh isteach i dturas spreagúil. An bhfuil tú réidh tosú ar an eachtra seo?
El gran libro de los colegios
ISBN: 9788416774982
Violeta Cano Sebastián
Inuk Books
Tosaigh aistear staire, tabhair cuairt ar scoileanna ó gach ré, ar fud an domhain. Faigh amach conas
a d9fhoghlaim páistí i gCathair na hAithne, téigh siar chuig an Meánaois, gabh isteach i 8dteach an
áthais9 i saol an lae inniu... agus beidh iontas ort leis na ceisteanna agus leis na fíricí iontacha atá le
fáil tríd an leabhar. Agus anois, táimid sa lá atá inniu ann, agus sna scoileanna nua atá tar éis an
seomra ranga a athrú as éadan! Ar ár n-aistear, beidh Manu Minutos linn, buachaill ón todhchaí a
aistreoidh ó ré amháin go ré eile muid ina mheaisín ama. Cuideoidh sé linn tábhacht scoileanna
san am sin agus anois a thuiscint, agus conas, is cuma cad a tharlóidh, a bheidh siad
ríthábhachtach do pháistí ar fud an domhain.
14
